ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

ភាពយន្តតុក្កតា The Super Mario Bros រកចំណូលបានជាង ៣៧៧លានដុល្លារត្រឹមរយៈពេល ៥ថ្ងៃ

  • ចុះផ្សាយថ្ងៃទី១០ ខែមេសា ឆ្នាំ២០២៣ ម៉ោង ១៩:៤៧ នាទី ដោយ Mesa
  • 2246
  Aa |   aA

កម្សាន្ត៖ អ្នកនិយមគាំទ្រទស្សនាខ្សែភាពយន្តនៅតាមរោងកុនបានសម្រុកនាំគ្នាទៅទិញសំបុត្រទស្សនាខ្សែភាពយន្តបែបគំនូរជីវចលថ្មីរបស់ក្រុមហ៊ុន Universal និង Illumination គឺរឿងតុក្កតាស៊ីផ្សិត ឬ The Super Mario Bros ដែលនាំឱ្យខ្សែភាពយន្តនេះកើបលុយបានប្រមាណ ៣៧៧លានដុល្លារអាមេរិក ត្រឹមរយៈពេលនៃការចាក់បញ្ចាំងត្រឹម ៥ថ្ងៃប៉ុណ្ណោះនៅទូទាំងពិភពលោក។ 

ចំណូលក្បែរ ៤០០លានដុល្លារអាមេរិកនេះគឺទទួលបានពីបណ្តារោងកុននៅអាមេរិកខាងជើងប្រមាណជា ២០៤,៦លានដុល្លារអាមេរិក ខណៈដែលនៅលើទីផ្សារអន្តរជាតិឯណេះវិញត្រូវបានគេរាយការណ៍ថាប្រមូលចំណូលបានជាង ១៧៣លានដុល្លារអាមេរិក សរុបជារួមចំនួនជាង ៣៧៧លានដុល្លារអាមេរិក គិតត្រឹមថ្ងៃអាទិត្យ ទី៩ ខែមេសានេះ។ 

គួរឱ្យដឹងថា ខ្សែភាពយន្ត The Super Mario Bros បានបំបែកកំណត់ត្រារបស់រឿង Warcraft ក្លាយជាខ្សែភាពយន្តដែលធ្វើឡើងផ្អែកតាមហ្គេមដែលរកចំណូលច្រើនបំផុត និងបំបែកកំណត់ត្រារបស់ខ្សែភាពយន្ត Frozen 2 ក្លាយជាខ្សែភាពយន្តរកចំណូលបានច្រើនបំផុតក្នុងសប្តាហ៍នៃការចាក់បញ្ចាំងដំបូង។ ខ្សែភាពយន្តនេះបានក្លាយជាភាពយន្តដែលរកប្រាក់ចំណូលច្រើនបំផុតក្នុងសប្តាហ៍ដំបូងនាឆ្នាំ២០២៣ និងជាកំណត់ត្រាសម្រាប់ស្ទូឌីយោ Illumination ដែលរកចំណូលបានបង្គ្ក្រប់ ៥ពាន់លានដុល្លារពីភាពយន្តទាំង ១៣ នៃផលិតកម្មនេះ។ 

ខ្សែភាពយន្ត The Super Mario Bros នេះត្រូវបានគេកំណត់កម្រិតទស្សនាជាប្រភេទ PG ហើយភាពយន្តនេះត្រូវបានផលិតឡើងដោយផ្អែកលើហ្គេម Mario និងមានការបញ្ចូលសំឡេងពីសំណាក់តារាសម្តែងល្បីរួមមាន Chris Pratt (Mario) , Charlie Day (Luigi), Jack Black (Bowser) និង Anya Taylor-Joy (ព្រះនាង Peach)។ ភាពយន្តនេះក៏ធ្វើការចាក់បញ្ចាំងនៅតាមបណ្តារោងភាពយន្តទំនើបនានានៅក្នុងប្រទេសកម្ពុជាកាលពីថ្ងៃទី០៧ ខែមេសាកន្លងទៅផងដែរ៕



ព័ត៌មានជាច្រើនទៀតសម្រាប់អ្នក